ڈی پی او کیپٹن (ر) بلال افتخار کیانی کی اقلیتی برادری کے نمائندوں سے میٹنگ

ڈی پی او کیپٹن (ر) بلال افتخار کیانی کی اقلیتی برادری کے نمائندوں سے میٹنگ ۔ بین المذاہب ہم آہنگی ، قومی یکجہتی اور امن و اتحاد کے فروغ کیلئے کام کرنے پر تفصیلی گفتگو ۔ تفصیلات کے مطابق ڈی پی او کیپٹن (ر) بلال افتخار کیانی کی زیر صدارت اقلیتی برادری کے نمائندوں سے میٹنگ کے دوران بین المذاہب ہم آہنگی ، قومی یکجہتی اور امن و اتحاد کے فروغ کے حوالے سے تفصیلی گفتگو کی گئی۔ ڈی پی او کا کہنا تھا کہ پاکستان کا آئین اقلیتوں کے جان مال کے تحفظ کی یکساں ضمانت دیتا ہے ۔ پاکستان میں بسنے والی تمام اقلیتی برادری ہمارا اثاثہ ہیں ، انکے جان و مال اور عزت آبرو کا تحفظ ہماری اولین ترجیح ہے ۔ سروس ڈلیوری کیساتھ ساتھ ہمارا یہ بھی فریضہ ہے کہ عدمِ برداشت کے تدارک اور رواداری کے فروغ کیلئے بھی خدمات سر انجام دیں ۔ ڈی پی او کا مزید کہنا تھا کہ انسپکٹر جنرل آف پولیس پنجاب کے ویژن کے مطابق اقلیتی برادری کے حقوق کے تحفظ کیلئے میثاق سنٹر کا قیام عمل میں لایا گیا ہے ۔ انچارج میثاق سنٹر کو ہدایات جاری کرتے ہوئے ڈی پی او نے واضح کیا کہ اقلیتی برادری کے مسائل کا ترجیحی بنیادوں پر حل یقینی بنایا جائے ۔ اقلیتی برادری کے نمائندوں کی طرف سے قیام امن کیلئے اجتماعی کاوشوں کے عزم کا اظہار کیا گیا