جھنگ میں غیر قانونی آئل ایجنسیوں کے خلاف کریک ڈاؤن

ڈپٹی کمشنر محمد عمیر کی ہدایات پر محکمہ سول ڈیفنس کی جانب سے غیر قانونی منی آئل ایجنسیوں کے خلاف کریک ڈاون جاری ہے۔ اس حوالے سے سول ڈیفنس آفیسر اسد سلیمان نے شہر کے مختلف مقامات پر کارروائی کرتے ہوئے منی پٹرول پمپ یونٹس سیل کرکے مشینوں کو تحویل میں لے لیا۔انہوں نے منی پٹرول پمپ مالکان کو سخت کارروائیاں کرنے کی وارننگ جاری کی اور کہا کہ غیر قانونی طور پر پٹرولیم مصنوعات فروخت کرنے والے کسی بھی رعایت کے مستحق نہیں،چیکنگ کے دوران ملوث پائے جانے والوں کو بھاری جرمانے کئے جائینگے جبکہ سامان بھی تحویل میں لے لیا جائیگا۔مزید برآں اسسٹنٹ کمشنر شورکوٹ لیفٹیننٹ ریٹائرڈ اسفند یارکی زیر نگرانی غیر قانونی ایل پی جی گیس ریفلنگ پوائنٹس کے خلاف کریک ڈاو¿ن کیا گیا ۔ مختلف مقامات پر کارروائی کرتے ہوئے منی پٹرول پمپ یونٹس سیل کرکے مشینوں کو تحویل میں لیا گیا۔