نائب وزیراعظم کا ایس سی او اجلاس کی جاری تیاریوں کا جائزہ

شنگھائی تعاون تنظیم کے سربراہان حکومت کے آئندہ اجلاس کی ضروریات اور انتظامات سے متعلق اعلیٰ سطحی کمیٹی کا اجلاس آج اسلام آباد میں منعقد ہوا۔

نائب وزیراعظم اور وزیر خارجہ اسحاق ڈار نے اس سال اکتوبر میں اسلام آباد میں ہونے والے شنگھائی تعاون تنظیم کے سربراہان حکومت کے اجلاس کی جاری تیاریوں کا جائزہ لینے کے لیے اجلاس کی صدارت کی۔

متعلقہ حکام کو ایس سی او کی مشق، پاکستان کی بین الاقوامی حیثیت، پاکستان کی روایتی مہمان نوازی کے ساتھ ہم آہنگ موثر انتظامات کرنے کی ہدایات دیں۔اس موقع پر خطاب کرتے ہوئے اسحاق ڈار نے تیاریوں کی رفتار کو برقرار رکھنے کی ضرورت پر زور دیا۔ کمیٹی کے ارکان نے جاری تیاریوں پر اطمینان کا اظہار کیا۔