پاکستان ریلوے نے عیدالاضحی کے موقع پر مسافروں کی سہولت کے لیے تین خصوصی ٹرینیں چلانے کا فیصلہ کیا ہے۔

پہلی عید اسپیشل ٹرین اتوار کو کوئٹہ اسٹیشن سے راولپنڈی کے لیے روانہ ہوگی جبکہ دوسری اسپیشل ٹرین اسی دن کراچی سٹی اسٹیشن سے راولپنڈی روانہ ہوگی۔

اسی طرح تیسری خصوصی عید ٹرین رواں ماہ کی 25 تاریخ کو کراچی کینٹ اسٹیشن سے لاہور کے لیے روانہ ہوگی۔

خصوصی ٹرینیں روہڑی، خان پور، ملتان، ساہیوال، لاہور، فیصل آباد، سرگودھا، جہلم اور دیگر اہم اسٹیشنوں سے گزریں گی۔