آنحضرت محمد ۖ کی ختم نبوت پر ایوان میں مکمل اتفاق رائے پایا جاتا ہے، وزیرقانون

وزیر قانون اور انصاف کے اعظم نذیرتارڑ نے کہا ہے کہ آنحضرت محمد ۖ کی ختم نبوت پر ایوان میں مکمل اتفاق رائے پایا جاتا ہے۔

انہوں نے صاحبزادہ حامد رضا کی جانب سے اٹھائے گئے نقطہ اعتراض پرردعمل دیتے ہوئے کہا کہ سپریم کورٹ کے حالیہ فیصلے پر مناسب پارلیمانی فورم پر بات چیت کی جاسکتی ہے تاکہ اس سلسلے میں مستقبل کا لائحہ عمل طے کیا جاسکے۔

تاہم وفاقی وزیر نے کہا کہ کسی شخص کو دوسروں کے خلاف فتویٰ دینے کی اجازت نہیں دی جاسکتی۔

دوسرے ارکان پارلیمنٹ نے بھی اس اہم معاملے پر علمائے کرام، دانشوروں اور قانونی ماہرین کی رائے لینے کیلئے پارلیمنٹ کی خصوصی کمیٹی تشکیل دینے کا مطالبہ کیا۔

انہوں نے یہ معاملہ مزید غوروخوض کیلئے قانون وانصاف کے بارے میں پارلیمانی کمیٹی کو بھیج دیا۔