ایس آئی ایف سی کے تعاون سے فیصل آباد میں ڈیری پروسیسنگ پلانٹ کے قیام کا فیصلہ

خصوصی سرمایہ کاری سہولت کونسل کے تعاون سے فیصل آباد میں ڈیری پروسیسنگ پلانٹ کے قیام کے لیے پانچ کروڑ پچاس لاکھ ڈالر کی سرمایہ کاری کا اعلان کیا گیا ہے۔

اس منصوبے کے تحت انٹرلوپ ہولڈنگز اور ترکیہ کی ریلا گیدا کمپنیاں مشترکہ طور پر جدید ڈیری پروسیسنگ پلانٹ قائم کریں گی۔

یہ پلانٹ پنیر، مکھن اور وے پروٹین تیار کرے گا، جس سے مقامی سطح پر ویلیو ایڈیشن اور جدید پروسیسنگ کی صلاحیتوں کو فروغ ملے گا۔

نئے پلانٹ کے فعال ہونے سے کمپنی کی سالانہ دودھ پراسیس کرنے کی صلاحیت اٹھارہ کروڑ لیٹر تک پہنچ جائے گی۔

اس منصوبے سے پاکستان کی ویلیو ایڈڈ برآمدات میں اضافے اور ڈیری کی صنعت کی ترقی میں مدد ملے گی۔