رومینہ خورشید عالم کا موسمیاتی مسائل سے نمٹنے کیلئے موثر اقدامات پر زور

موسمیاتی تبدیلی کے بارے میں وزیراعظم کی رابطہ کار رومینہ خورشید عالم نے قدرتی آفات سے نمٹنے کیلئے خواتین اور لڑکیوں کو بااختیار بنانے کی ضرورت پر زور دیا ہے۔

انہوں نے آج(منگل) اسلام آباد میں قدرتی آفات سے نمٹنے میں خواتین اور لڑکیوں کے کردار کے بارے میں ایک روز قومی مذاکرے سے خطاب کرتے ہوئے کہا کہ خواتین کے منفرد نقطہ نظر اور صلاحیتوں کو ناگہانی آفات سے نمٹنے کی ہماری حکمت عملیوں میں شامل کیا جانا چاہئے تاکہ پاکستان کو مزید مضبوط بنایا جا سکے۔

قدرتی آفات سے نمٹنے کے قومی ادارے کے چیئرمین لیفٹیننٹ جنرل انعام حیدر ملک نے اس موقع پر اظہار خیال کرتے ہوئے قدرتی آفات سے نمٹنے میں بروقت امدادی کارروائیوں اور سماجی قوت کی اہمیت پر زور دیا۔

انہوں نے موسمیاتی مسائل سے نمٹنے کے لئے موثر اقدامات کرنے کی ضرورت پر بھی زور دیا۔