صدر آصف علی زرداری نے مختلف ہائی کورٹس میں اضافی ججوں کی تقرری اور بعض اضافی ججوں کی مستقل ججوں کے طور پر توثیق کی منظوری دیدی ہے۔

صدر نے اسلام آباد ہائی کورٹ ،لاہور ، سندھ ، پشاوراور بلوچستان ہائی کورٹس میں اضافی ججوں کی تقرری کی منظوری دی۔

انہوں نے سندھ ہائیکورٹ اور لاہور ہائیکورٹ کے بعض اضافی ججوں کی مستقل ججوں کے طور پر توثیق کی بھی منظوری دی۔

صدر نے سپریم کورٹ کے ججوں کی تنخواہوں، الائونسز اور پنشن کو وفاقی آئینی عدالت کے ججوں کے برابر کرنے کی منظوری دی۔

انہوں نے انیس سو ستانوے کے حکم نامے میں ہائیکورٹ کے ججوں کی چھٹی، پنشن اور مراعات سے متعلق ترامیم کی بھی منظوری دی۔

صدر نے ہارون اختر کی وزیراعظم کے صنعت و پیداوار کے مشیر کے طور پر تقرری کی بھی منظوری دی۔