پاکستان کی مسلح افواج کا کشمیری عوام کے ناقابلِ تنسیخ حقِ خودارادیت کی جدوجہد کیلئے اپنی بھرپور حمایت کا اعادہ

پاکستان کی مسلح افواج نے بین الاقوامی قانون اور اقوام متحدہ کی سلامتی کونسل کی متعلقہ قراردادوں کے مطابق کشمیری عوام کے ناقابلِ تنسیخ حقِ خودارادیت کے حصول کی جائز جدوجہد کیلئے اپنی بھرپور حمایت کا اعادہ کیا ہے۔

آئی ایس پی آر کی جانب سے جاری ایک بیان کے مطابق چیف آف آرمی سٹاف اور چیف آف ڈیفنس فورسز فیلڈ مارشل سید عاصم منیر، پاک بحریہ کے سربراہ ایڈمرل نوید اشرف اورپاک فضائیہ کے سربراہ ایئرچیف مارشل ظہیر احمد بابر سدھو نے بھارت کے غیرقانونی زیرِ قبضہ جموں و کشمیر کے بہادر اور ثابت قدم عوام کے ساتھ اپنی غیر متزلزل یکجہتی کا اعادہ کیا ہے۔

بیان میں کہا گیا ہے کہ بھارت کے غیر قانونی زیرِ قبضہ جموں و کشمیر پر بھارتی سکیورٹی فورسز کا مسلسل غیر قانونی قبضہ، فوجی محاصرہ، انسانی حقوق کی سنگین خلاف ورزیاں اور علاقے کی آبادی کا تناسب تبدیل کرنے کی کوششیں شدید تشویش کا باعث ہیں۔