ڈی پی او کیپٹن (ر) بلال افتخار کیانی کی تھانہ اٹھارہ ہزاری میں کھلی کچہری . مختلف نوعیت کے معاملات میں شہریوں کے مسائل سن کر انکے فوری حل کیلئے احکامات جاری . تفصیلات کے مطابق ڈی پی او کیپٹن (ر) بلال افتخار کیانی نے اوپن ڈور پالیسی کے تحت تھانہ اٹھارہ ہزاری میں کھلی کچہری کے دوران مختلف نوعیت کے معاملات میں شہریوں کی درخواست ہائے پر سماعت کی اور انکے مسائل کے فوری حل کیلئے احکامات جاری کئے ۔ اس موقع پر ڈی پی او کا کہنا تھا کہ مظلوم شہریوں کی دادرسی انکی دہلیز ہر صورت یقینی بنائی جائے گی ۔پولیس افسران کو ہدایات جاری کرتے ہوئے ڈی پی او نے کہا کہ تھانہ جات میں شہریوں کی داد رسی اور انکی شکایات کا مقررہ ٹائم لائن میں حل یقینی بنایا جائے ۔ عورتوں اور بچوں کے اغواء اور جنسی زیادتی کے مقدمات میں مطلوب ملزمان کی فوری گرفتاری عمل میں لائی جائے ۔ ڈی پی او کا مزید کہنا تھا کہ مویشی چوری کی وارداتوں کے پیش نظر ٹھیکری پہرے کو مانیٹر کیا جائے ۔ ڈی پی او کیپٹن (ر) بلال افتخار کیانی نے خدمت مرکز اٹھارہ ہزاری اور تھانہ اٹھارہ ہزاری کا بھی وزٹ کیا ، ڈی پی او نے پبلک سروس ڈلیوری میں مزید بہتری اور جرائم کے خاتمے کے حوالے سے پولیس افسران کو اہم ہدایات جاری کیں۔