ڈیرہ اسماعیل خان کے علاقےدرابن میں آج خفیہ اطلاع کی بنیاد پر کارروائی کے دوران بھارتی حمایت یافتہ تیرہ خوارج کو ہلاک کر دیا گیا۔

فوج کے شعبہ تعلقات عامہ کے مطابق یہ کارروائی بھارتی حمایت یافتہ فتنہ الخوارج کی موجودگی کی اطلاع پر کی گئی۔

ہلاک ہونے والے خوارج سے ہتھیار اور گولہ بارود بھی برآمد کیا گیا ۔ وہ دسمبر2023 ء میں دارابن میں خودکش بم حملے کی سہولت کاری’ سرکاری عہدیداروں اور معصوم شہریوں کی ٹارگٹ کلنگ سمیت علاقے میں دہشت گردی کی مختلف کارروائیوں میں ملوث تھے۔