عرب اسلامی ممالک نے مشترکہ طورپر فلسطینیوں کے لئے فوری انسانی امداد کامطالبہ کیا ہے، ان ممالک نے اسرائیل کی طرف سے جنگ بندی کی خلاف ورزیوں کی مذمت کرتے ہوئے مقبوضہ فلسطینی علاقے سے اسرائیل کے انخلاء کا مطالبہ کیا اورغزہ کی تعمیرنوپرزوردیا ہے۔

نائب وزیراعظم اسحاق ڈارنے استنبول میں دیگرعرب اسلامی وزرائے خارجہ کے ساتھ غزہ میں پائیدارجنگ بندی اورقیام امن کے لئے آگے بڑھنے پرغورکیا۔

پاکستان نے اقوام متحدہ اور اوآئی سی کی قراردادوں کے مطابق جوانیس سوسڑسٹھ سے پہلے کی سرحدوں پرمبنی ایک آزاد،خودمختاراورقابل عمل فلسطینی ریاست کے قیام کے لئے اپنے اصولی موقف کی توثیق کی جس کادارالحکومت القدس الشریف ہو۔