سندھ حکومت نے سکول سے باہر بچوں کی تعلیم تک رسائی کے فروغ کیلئے صوبے بھر میں چودہ سوبیس نئے غیر رسمی تعلیمی مراکز کے قیام کا اعلان کیا ہے۔

یہ اقدام نجی شعبے اور سماجی تنظیموں کے اشتراک سے کیا جا رہا ہے۔

کراچی میں ایک معاہدے پر دستخط کی تقریب منعقد ہوئی جس میں 30 سے زائد سماجی تنظیموں نے سماجی شراکت داری اقدام کے تحت معاہدوں پر دستخط کئے۔

تقریب سے خطاب کرتے ہوئے سندھ کے وزیر تعلیم سید سردار علی شاہ نے کہا کہ حکومت سرکاری اور سماجی شراکت داری کے ذریعے سکول سے باہر بچوں کی تعلیم کو یقینی بنانے کیلئے عملی اقدامات کر رہی ہے۔