سعودی عرب کے شاہ سلمان امدادی مرکز نے پاکستان کے چھبیس اضلاع کے مستحق افراد میں سرمائی کٹس تقسیم کرنے کی بڑی مہم کا آغاز کیا۔

اس حوالے سے سلام آباد میں افتتاحی تقریب سے خطاب کرتے ہوئے مذہبی امور اور بین المذاہب ہم آہنگی کے وزیر سردار محمد یوسف نے کہا کہ حکومت پاکستان اس فراخدلانہ مدد اور تعاون پر سعودی عرب کی شکر گزار ہے۔

انہوں نے کہا کہ اس برادرانہ اور پرخلوص اقدام سے پاکستان اور سعودی عرب کے درمیان پہلے سے مضبوط اور دیرینہ تعلقات مزید مستحکم ہوں گے۔