قومی اقتصادی کونسل کی ایگزیکٹو کمیٹی نے ایک سو سترہ ارب روپے سے زائد کے اہم ترقیاتی منصوبوں کی منظوری دی ہے۔

یہ منظوری نائب وزیراعظم اسحاق ڈار کی صدارت میں اسلام آباد میں کونسل کے اجلاس میں دی گئی۔

ان منصوبوں میں رواں سال تیس جولائی تک صحت سہولت پروگرام میں توسیع، سماجی واقتصادی ترقی کے فروغ اور خدمات کی فراہمی بہتر بنانے کیلئے توانائی، بنیادی ڈھانچے اور ذرائع نقل وحمل کے شعبوں میں اہم اقدامات شامل ہیں۔

اسحاق ڈار نے متعلقہ وزارتوں کو ہدایت کی کہ وہ ان منصوبوں کی مناسب منصوبہ بندی، عملدرآمد اور پائیداری یقینی بنائیں۔