اقوامِ متحدہ کی سلامتی کونسل نے خلیج تعاون کونسل کے رکن ممالک کی جانب سے پیش کردہ قرارداد منظور کی ہے جس میں ایران سے خلیجی ممالک پر اپنے حملے بند کرنے کا مطالبہ کیا گیا ہے۔

بحرین کی جانب سے پیش کی گئی یہ قرارداد 13ووٹوں کی حمایت سے منظور ہوئی جبکہ دو ممالک نے رائے شماری میں حصہ نہیں لیا۔کسی رکن ملک نے اس قرارداد کی مخالفت نہیں کی۔

پاکستان اس قرارداد کے شریک معاون ممالک میں شامل تھا اور اس کے حق میں ووٹ بھی دیا۔