پاکستان نے یوکرین میں جاری کشیدگی پر اپنی گہری تشویش کا اعادہ کرتے ہوئے مسئلے کے مذاکراتی تصفیے کی جانب پیشرفت پر زور دیا ہے۔

پاکستان کے قونصلر محمدکامران تاج نے اقوام متحدہ کی سلامتی کونسل میں بیان دیتے ہوئے کہا کہ بات چیت ہی ایک منصفانہ، دیرپا اور باہمی طور پر قابل قبول امن کا واحد قابل عمل راستہ ہے۔

انہوں نے کہا کہ پاکستان تنازع کو پرامن، جامع اور پائیدار طریقے سے حل کرنے کی تمام کوششوں میں تعاون کے لئے تیار ہے۔