وزیر منصوبہ بندی اور نیشنل لاجسٹکس بورڈ کے چیئرمین احسن اقبال نے نیشنل لاجسٹکس کارپوریشن کو ہدایت کی ہے کہ تذویراتی مراکز کے طور پر سوست ڈرائی پورٹ کی توسیع اور خنجراب بارڈر ٹرمینل کے قیام کو ترجیح دی جائے تاکہ پاکستان کی برآمدات کو فروغ اور علاقائی تجارتی روابط کو مضبوط کیا جا سکے۔

انہوں نے یہ ہدایات آج اسلام آباد میں نیشنل لاجسٹکس بورڈ کے اڑسٹھویں اجلاس کی صدارت کرتے ہوئے جاری کیں۔

احسن اقبال نے کہا کہ لاجسٹکس کو بہتر بنانا قومی معیشت کے لیے ناگزیر ہے، جس سے پاکستان کو جنوبی ایشیا، وسطی ایشیا، چین اور مشرق وسطیٰ سے ملانے والا علاقائی رابطوں کا مرکز بنانے میں مدد ملے گی۔