آج نیویارک میں بھارت مخالف احتجاجی مظاہرہ کیا جائے گا

میڈیا رپورٹس کے مطابق فسطائی مودی حکومت کے مکروہ چہرے کو دنیا کے سامنے بے نقاب کرنے کے لیے منگل کو نیویارک میں بھارت مخالف احتجاجی مظاہرہ کیا جائے گا۔ دریں اثناء ایک بیان میں آزاد جموں و کشمیر کے صدر بیرسٹر سلطان محمود چوہدری نے کشمیری اور پاکستانی تارکین وطن کے ساتھ ساتھ سکھ برادری پر زور دیا کہ وہ احتجاج میں شامل ہوں۔ انہوں نے کہا کہ ہندوستان دنیا میں دہشت گردوں اور دہشت گردی کا سرٹیفائیڈ ایکسپورٹر بن گیا ہے۔ سلطان محمود چوہدری نے کہا کہ بھارت ملک سے باہر اپنے مذموم مقاصد حاصل کرنے کے لیے دہشت گردی کو ہتھیار کے طور پر استعمال کر رہا ہے۔