صدر مملکت کی کچی کینال منصوبہ ڈیڑھ سال میں مکمل کرنے کی ہدایت

 صدر آصف علی زرداری نے کچی کینال منصوبہ ڈیڑھ سال میں مکمل کرنے پر زوردیا ہے جس سے بلوچستان میں سات لاکھ تیرہ ہزار ایکڑ اراضی سیراب کرنے میںمدد ملے گی۔

انہوں نے پیر کے روز اسلام آباد میں سرسبز پاکستان منصوبے کے بارے میں ایک اجلاس کی صدارت کرتے ہوئے کہاکہ وفاقی حکومت اس منصوبے کیلئے فنڈز فراہم کرے گی تاکہ ترجیحی بنیاد پر اس کی بروقت تکمیل یقینی بنائی جاسکے۔

صدر کو سرسبز پاکستان منصوبے کیلئے چھ نہریں تعمیر کرنے کے بارے میں بھی بتایاگیا۔

انھیں بتایاگیا کہ چشمہ رائٹ بینک کینال، کچی کینال، رانی کینال ، گریٹر تھل کینال، چولستان کینال اور تھر کینال جیسی چھ اہم نہروں کی تعمیر سے پاکستان کی زرعی استعداد میں اضافہ ہوگا ، قابل کاشت علاقہ بڑھانے کے ساتھ ساتھ ملک میں لائیو اسٹاک اور ماہی پروری میں بھی ترقی ہوگی۔

اجلاس میں صدر نے ان اہم نہروں پرسرسبز پاکستان اقدام کے تحت جلد کام شروع کرنے اور سیم اورپانی کے ضیاع سے بچائو کیلئے اطراف میں کنکریٹ کے استعمال کے ساتھ ان کی بروقت تکمیل یقینی بنانے کی ہدایت کی۔

اجلاس کو بتایاگیا کہ پانی کے بہائو کے درست اعدادشمار یقینی بنانے کیلئے ستائیس ٹیلی میٹری پوائنٹس قائم کئےجائیںگے