طالبان رجیم میں افغانستان کی معیشت مسلسل زوال پذیرہے جبکہ ناقص معاشی پالیسیوں اور سرمایہ کاری میں کمی کے باعث عوام کو بڑھتے ہوئے معاشی بحران کا سامنا ہے۔

طالبان رجیم کی پانچ سالہ ترقیاتی حکمتِ عملی بھی دعوئوں کے برعکس معاشی اہداف حاصل کرنے میں ناکام رہی ہے کیونکہ زمینی حقائق ان کے دعوئوں سے بالکل مختلف ہیں۔

ذرائع ابلاغ کے بین الاقوامی ادارے “ریڈیو فری یورپ/ریڈیو لبرٹی” کی ایک رپورٹ کے مطابق افغانستان کی معیشت نازک مرحلے میں داخل ہو چکی ہے، جہاں بڑھتی ہوئی مہنگائی، بیروزگاری اور سرمایہ کاری کے فقدان نے عوام کی مشکلات میں مزید اضافہ کر دیا ہے۔