فرانس اور سپین میں بڑے پیمانے پر جنگلات میں آتشزدگی کے باعث تین لاکھ سے زائد افراد محفوظ مقامات پر منتقل ہوگئے ہیں آگ کئی روز سے پھیل رہی ہے۔

متعلقہ حکام کے مطابق تیز ہوائیں اور شدید درجہ حرارت آگ پر قابو پانے میں رکاوٹ کا باعث ہیں اور آگ بجھانے والے عملے کو بھڑکتی ہوئی آگ کے شعلوں کی وجہ سے شدید دشواری کا سامنا ہے۔

جنوب مغربی فرانس میں فائر فائٹرز آگ بجھانے کی بھرپور کوشش کررہے ہیں اور تیز ہوائیں شعلوں کو بوردو شہر کے جانب دھکیل رہی ہیں۔

سپین میں ہنگامی صورتحال کا اعلان کردیا گیا ہے جبکہ میڈرڈ شہر کے قریب بہتر موسمی حالات کے باعث عملے کو آگ بجھانے میں مدد مل رہی ہے۔