قومی اسمبلی کو بتایا گیا کہ گندم برآمد کرنے کا کوئی فیصلہ نہیں کیا گیا

قومی اسمبلی کو آج بتایا گیا کہ گندم برآمد کرنے کا کوئی فیصلہ نہیں کیا گیا۔

یہ وضاحت وزیراعظم محمدشہبازشریف نے آج ایوان میں حزب اختلاف کے ارکان کی جانب سے اٹھائے گئے نکات کے جواب میں کی۔

شہبازشریف نے یاددلایا یہ بات بھی ریکارڈ کا حصہ ہے کہ ماضی میں پی ٹی آئی کے دور میں چینی اور گندم پہلے برآمد کی گئی اور پھر درآمد ہوئی۔

اس سے پہلے پارلیمانی امور کے وزیراعظم نذیر تارڑ نے ایک توجہ دلاؤ نوٹس کا جواب دیتے ہوئے ایوان کو بتایا کہ عوام کو صحت کی بہترین سہولتیں فراہم کرنا حکومت کی ترجیح ہے۔

ایوان میں کیپٹن اسامہ بن ارشد شہید اور جنوبی وزیرستان کے دوسرے شہداء کیلئے فاتحہ خوانی کی گئی۔

قومی اسمبلی نے آج سرکاری اداروں کے نظم ونسق اور آپریشنز کے بل مجریہ دوہزار چوبیس کی منظوری دیدی۔

بل کا مقصد سرکاری اداروں کی تعمیر نو اور اصلاحات کیلئے بورڈز کی تشکیل نو کرنا، انھیں مزید بہتر بنانا اور ان میں سے بعض کی نجکاری کرنا ہے ۔

اس کے علاوہ پاکستان شہریت ترمیمی بل مجریہ دوہزار چوبیس بھی آج ایوان میں پیش کیاگیا ۔

ایوان کا اجلاس اب غیرمعینہ مدت کیلئے ملتوی کردیاگیا ہے۔