ورلڈ جونیئر سکواش چمپئن شپ 2026میں پاکستان نے سوئٹزرلینڈ کو شکست دے دی

کینیڈا میں ورلڈ جونیئر سکواش چمپئن شپ 2026میں پاکستان نے سوئٹزرلینڈ کو تین ۔ صفر سے شکست دے کر گروپ سات میں پہلی پوزیشن حاصل کرتے ہوئے گروپ مرحلہ کامیابی سے مکمل کرلیا۔

فیصلہ کن گروپ میچ میں نعمان خان نےنک گیرٹر کو ایک کے مقابلے میں تین گیمز سے شکست دی۔ میچ کا اسکور گیارہ ۔ چار، گیارہ ۔ نو، پندرہ ۔ سترہ اور گیارہ ۔ پانچ رہا جبکہ میچ اٹھاون منٹ میں مکمل ہوا۔

عبداللہ نواز نے لیانڈرو ووگل کو مسلسل تین گیمز میں شکست دی۔ یہ میچ چھبیس منٹ میں مکمل ہوا۔

محمد عمیر عارف نے مورس فرے کو مسلسل تین گیمز میں ہرا کر ٹیم کی تین ۔ صفر سے کامیابی یقینی بنائی۔ انہوں نے یہ میچ صرف تیئس منٹ میں جیتا۔

پاکستان کی جونیئر ٹیم اب بدھ کو ٹاپ سولہ مرحلے کا میچ کھیلے گی۔