پاکستان اور ترکیہ نے ریلوے کے شعبے میں تعاون مزید مستحکم کرنے کے عزم کا اعادہ کیا ہے۔

اس عزم کا اظہار آج انقرہ میں وزیرِ ریلوے محمد حنیف عباسی اور ترکیہ کے ٹرانسپورٹ و انفراسٹرکچر کے وزیر عبدالقادر اورال اوغلو کے درمیان وفود کی سطح پر ملاقات کے دوران کیا گیا۔

محمد حنیف عباسی نے اس موقع پر گفتگو کرتے ہوئے کہا کہ پاکستان ریلویز کو جدید خطوط پر استوار کرنے کے لیے پاکستان ترکیہ کے تجربات، سرمایہ کاری اور جدید ٹیکنالوجی سے بھرپور استفادہ کرے گا۔

فریقین نے اسلام آباد-تہران-استنبول مال بردار ٹرین سروس کو جلد از جلد بحال کرنے اور اسے ایک مستقل تجارتی راہداری بنانے پر بھی اتفاق کیا۔