افغانستان میں طالبان رجیم کیخلاف مزاحمت میں تیزی

افغانستان میں طالبان رجیم کے خلاف مسلح مزاحمت میں تیزی آگئی ہے اور بدخشاں کے مختلف اضلاع میں جھڑپوں کی اطلاعات ہیں۔

افغان طالبان مخالف مسلح گروپ “افغانستان فریڈم فرنٹ” کی جانب سے کابل سے بدخشاں جانے والے طالبان کے فوجی قافلے پرراکٹ حملہ کیا گیا، جس میں 7 اہلکار ہلاک اور6 سے زائد شدید زخمی ہوگئے۔

افغانستان فریڈم فرنٹ نے یہ بھی دعویٰ کیا ہے کہ اس کے جنگجوئوں نے ضلع زیبک (Zebak) میں طالبان کے 2 فوجی ڈرون مار گرائے ہیں۔

سابق افغان نائب صدر امراللہ صالح نے کہا ہے کہ افغان طالبان رجیم جائز حکومت نہیں ہے اور اس کے خلاف سیاسی و عسکری مزاحمت مزید منظم ہوگی، جو بالآخر طالبان کے اقتدار کے خاتمے کا باعث بنے گی۔