جام کمال کا افغانستان، وسطی ایشیا کو برآمدات بڑھانے پر زور

وزیر تجارت جام کمال خان نے برآمدات کیلئے نئی منڈیوں کی تلاش کے حوالے سے اسلام آباد میں ایک اجلاس کی صدارت کی۔اجلاس میں عالمی شراکت داروں کے ساتھ موجودہ تجارتی تعلقات، مختلف ملکوں کے ساتھ جاری تجارتی سرگرمیوں اور حجم کا جائزہ لیا گیا۔ اجلاس سے خطاب کرتے ہوئے جام کمال خان نے برآمدات بڑھانے کے لئے کان کنی، معدنیات ،زرعی مصنوعات اور ماہی گیری سمیت پاکستان کے قدرتی اثاثوں سے استفادہ کرنے پر زور دیا۔وفاقی وزیر کو موجودہ تجارتی معاہدوں اور ملکی برآمدات کے بارے میں حالیہ صورتحال سے آگاہ کیا گیا۔ وفاقی وزیر نے اہم تجارتی صلاحیت کیساتھ خطے میں نئے تجارتی مشن کھولنے کی سفارش کی۔ انہوں نے کہا کہ سیاسی اور رابطوں کے چیلنجز سے نمٹ کر افغانستان اور وسط ایشیائی ملکوں کوبرآمدات کی صلاحیت میں نمایاں اضافہ کیا جاسکتا ہے۔