جھنگ میں سیلاب سے کل 307 دیہات متاثر ہوئے

جھنگ میں اگرچہ ہیڈ تریموں کی مقام پر پانی سطح میں کافی کمی واقع ہوچکی ہے اور آج شام تک ہیڈ تریموں پر پانی کی آمد واخراج ایک چالیس ہزار کیوسک ریکارڈ کی گئی لیکن جھنگ کے بہت سے دیہی علاقوں میں اب بھی سیلابی پانی موجود ہے ، ضلعی حکومت کی جانب سے جاری کئے گئے اعداد وشمار کے مطابق ضلع بھر کے کل 307 دیہات اس سیلاب سے متاثر ہوئے ہیں ۔جھنگ کے 142 موضع جات،اٹھارہ ہزاری 37 شورکوٹ 61 احمد پور سیال 67 موضع جات متاثر ہوئے،ابتک 4 لاکھ 11 ہزار 766 لوگوں کو محفوظ مقامات پر منتقل کیا گیا۔2 لاکھ 91 ہزار 429 ایکٹر پر فصلیں سیلابی پانی میں زیر آب آئیں ہیں