نیشنل ڈیزاسٹر منیجمنٹ اتھارٹی نے آج اسلام آباد میں غیر ملکی سفارتکاروں کو حالیہ سیلابی صورتحال اور امدادی کاروائیوں کے حوالے سے بریفنگ دی ۔بریفنگ سیشن میں 30 سے زائد غیر ملکی سفارتکاروں نے شرکت کی۔

چیئرمین این ڈی ایم اے لیفٹیننٹ جنرل انعام حیدر ملک نے متاثرہ علاقوں میں ریلیف اور ریسکیو اقدامات پر تفصیلی بریفنگ دی۔ این ڈی ایم اے کی جانب سے صوبائی و علاقائی اداروں کے ساتھ مربوط حکمت عملی اور مشترکہ اقدامات کے حوالے سے آگاہ کیا گیا ۔

آفات سے نمٹنے اور پیشگی اقدامات ک یقینی بنانے کے لیے موسمی صورتحال کے جائزہ اورجدید ٹیکنالوجی کے استعمال پر بریفنگ دی گئی۔

شرکا نے این ڈی ایم اے کے بروقت اقدامات اور امدادی کوششوں کو سراہتے ہوئے انسانی جانوں اور معیشت کے تحفظ کے لیے اہم قرار دیا۔