آبی وسائل کے وزیر محمد معین وٹو نے پاکستان میں یونیسکو کے نمائندے فواد پاشایف سے ملاقات کی اور سیلاب سے نمٹنے اور آبی وسائل کے پائیدار انتظام کے شعبوں میں تعاون سے متعلق گفتگو کی۔

فریقین نے آبی مسائل سے نمٹنے اور سیلاب اور موسمیاتی تبدیلی کے اثرات کے خلاف مدافعتی نظام کو بہتر بنانے کیلئے مل جل کر کام جاری رکھنے پر اتفاق کیا۔

اجلاس میں بتایا گیا کہ پاکستان کاآبی وسائل کا تحقیقی ادارہ ملک میں تحفظ آب کی بہتری کیلئے سائنسی آلات اور تحقیقی نتائج کیلئے یونیسکو کے ساتھ مل کر کام کرے گا۔