وزیرخزانہ محمد اورنگزیب نے مشین لرننگ اورتجرباتی کام کی انجام دہی کیلئے مصنوعی ذہانت پرمبنی جانچ پڑتال سمیت اعدادوشمار کے تجزیے کیلئے جدید ٹیکنالوجیز اپنانے پرزوردیا ہے ۔

انہوں نے یہ بات آج(بدھ) کو اسلام آباد میں آڈیٹر جنرل آف پاکستان ہیڈ کوارٹر میں سینٹر فارگورنمنٹ ڈیٹا اینا لیٹکس کی افتتاحی تقریب سے خطاب کرتے ہوئے کہی ۔

وزیرخزانہ نے کہاکہ آڈٹ میں جدید ٹیکنالوجی کے استعمال سے سرکاری فنڈز کی شفافیت اور احتساب میں اضافہ ہوگا۔