پاکستان کا دولت مشترکہ میں نوجوانوں کے باہمی تعاون کے لیے اپنے عزم کا اعادہ

چیئرمین وزیراعظم یوتھ پروگرام رانا مشہود احمد خان نے دولتِ مشترکہ کے رکن ممالک کے درمیان نوجوانوں کے امور کے شعبے میں تعاون کو مزید مضبوط بنانے کے لیے پاکستان کے عزم کا اعادہ کیا ہے۔

وہ ساموا کے وزیر برائے خاندانی و سماجی امور، موئیفاو جولیس آہ کوئی تافونائی کے ہمراہ دولتِ مشترکہ کی یوتھ منسٹریل ٹاسک فورس کے خصوصی آن لائن اجلاس کی مشترکہ صدارت کر رہے تھے۔

نوجوانوں کی ترقی کے حوالے سے پاکستان کے وژن پر روشنی ڈالتے ہوئے انہوں نے معیاری تعلیم، کاروباری مواقع، جدت، ڈیجیٹل ٹیکنالوجی اور ہنر مندی کی تربیت تک رسائی بڑھانے کی ضرورت پر زور دیا۔