پاکستان کومشرق وسطیٰ میں بڑھتی ہوئی کشیدگی پرگہری تشویش ہے،وزیرخارجہ

نگران وزیرخارجہ جلیل عباس جیلانی نے کہا ہے کہ پاکستان کو مشرق وسطیٰ میں بڑھتی ہوئی کشیدگی اور بے گناہ جانوں کے ضیاع پر گہری تشویش ہے ۔

آج (اتوار)انہوں نے ایک ٹویٹ میں کہاکہ ہم فلسطینی عوام کے ساتھ یکجہتی کااظہار کرتے ہیں اوراسرائیلی قابض فوج کی جانب سے تشدد اور مظالم کے فوری خاتمے کا مطالبہ کرتے ہیں ۔

جلیل عباس جیلانی نے کہاکہ 1967 سے پہلے کی سرحدوں اور اقوام متحدہ کی قراردادوں کی بنیاد پر ایک آزاد اور خودمختار فلسطینی ریاست کا قیام عمل میں لایاجائے۔

انہوں نے کہاکہ ضرورت اس بات کی ہے کہ عالمی برادری تنازعے کے خاتمے، شہریوں کی جانیں بچانے اور مشرق وسطی میں پائیدار امن کے قیام کیلئے فوری مداخلت کرے۔