پاکستان کے پانچ سالہ مارشل آرٹسٹ نے گنیز ورلڈ ریکارڈ توڑ کر بھارت کو پیچھے چھوڑ دیا۔

پاکستان کے پانچ سالہ مارشل آرٹسٹ نے بھارت کا ریکارڈ توڑ دیا

پاکستان کے پانچ سالہ مارشل آرٹسٹ، سفیان محسود، نے ایک اور گنیز ورلڈ ریکارڈ توڑ کر بھارت کو پیچھے چھوڑ دیا۔

تفصیلات کے مطابق، سفیان نے 30 سیکنڈ میں سب سے زیادہ “ایلبو ٹو نی اسٹرائکس” کا ریکارڈ قائم کیا۔ اس سے قبل یہ ریکارڈ بھارت کی جاویریہ کے پاس تھا، جنہوں نے 54 اسٹرائکس مکمل کی تھیں۔ سفیان نے 79 اسٹرائکس کر کے یہ ریکارڈ بڑے فرق سے توڑ دیا۔

سفیان پاکستان کے سب سے کم عمر گنیز ورلڈ ریکارڈ ہولڈر ہیں اور معروف مارشل آرٹسٹ عرفان محسود کے بیٹے ہیں، جو پاکستان کے لیے 100 گنیز ورلڈ ریکارڈز قائم کر چکے ہیں۔