حکومت کاچھوٹے اوردرمیانے درجے کے کاروبارکیلئے فنڈقائم کرنے کافیصلہ

حکومت نے پانچ ارب روپے سے چھوٹے اور درمیانے درجے کے کاروبار کیلئے فنڈ قائم کرنے کا فیصلہ کیا ہے۔

یہ فیصلہ آج(منگل) اسلام آباد میں صنعت اور پیداوار کے وزیر رانا تنویر حسین کے زیر صدارت چھوٹے اور درمیانے درجے کے کاروبار کے فروغ کے بارے میں قومی رابطہ کمیٹی کے ایک اجلاس میں کیا گیا۔

اجلاس میں چھوٹے اور درمیانے کاروبار کے لئے وفاقی اور صوبائی سطح پر ہم آہنگ اوریکساں ٹیکسوں کافیصلہ کیا گیا۔

اجلاس میں یہ فیصلہ بھی کیا گیا کہ چھوٹے اور درمیانے درجے کے کاروبار شروع کرنے کے لئے قرضے کی سہولت دی جائے گی۔

اس موقع پر اظہار خیال کرتے ہوئے رانا تنویر حسین نے سرمایہ کاری بڑھانے کے لئے کاروبار کرنے کے لئے لاگت کم کرنے پر زور دیا۔