غزہ میں اسرائیل کی فوجی کارروائی کے تین سال مکمل

آج غزہ میں اسرائیل کی فوجی کارروائی کے تین سال مکمل ہو گئے ہیں، یہ عرصہ فلسطینی عوام کیلئے شدید مصائب اور نقصان کا باعث بنا ہے۔

دو ہزار تئیس میں آج ہی کے دن اسرائیل نے غزہ پر فوجی حملہ شروع کیا تھا۔

تین سال گزرنے کے بعد بھی فلسطینی خاندان اپنے پیاروں کی موت پر غمزدہ ہیں، جبکہ لاکھوں فلسطینی اب بھی اپنے گھروں سے بے گھر ہیں۔

غزہ کی وزارت صحت کے مطابق سات اکتوبر دو ہزار تئیس سے اب تک چوہتر ہزار دو سو سے زائد فلسطینی شہید اور ایک لاکھ پچھتر ہزار سے زائد زخمی ہو چکے ہیں۔

اقوام متحدہ کے مطابق غزہ کا نظام صحت بدستور شدید دبائو کا شکار ہے، جبکہ خوراک، صاف پانی، طبی سامان اور پناہ گاہوں کی کمی کے باعث انسانی بحران مزید شدت اختیار کررہا ہے۔