معلومات تک رسائی کے عالمی دن کے حوالے سے سی پی ڈی آئی اور عوام دوست فاؤنڈیشن کے زیر اہتما م سمینار کا انعقاد

جھنگ: معلومات تک رسائی کے قانون کے عالمی دن کے موقع پر سی پی ڈی آئی اور عوام دوست فاونڈیشن جھنگ کے زیر اہتمام معلومات تک رسائی کے قانون کے دن کی اہمیت کو اجاگر کرنے کےلئے محکمہ سوشل ویلفیئر کمپلکس جھنگ میں تقریب کا اہتمام کیا گیا۔ تقریب میں عوام دوست فاونڈیشن کے فوکل پرسن آصف منور،سابق ڈویژنل ڈائریکٹر محکمہ سوشل ویلفیئر اظہر عباس عادل،حیدر علی شاہ ایڈووکیٹ،ملک اکمل اور زرینہ شیخ نے اس قانون کے استعمال اہمیت،قوانین،پالیسیوں اور معلومات بروقت فراہم نہ کرنے پر شکایت درج کروانے کےحوالہ سے گفتگو کی۔مقررین نے کہا کہ شہری اس قانون کو استعمال کرکے اپنی مدد آپ کے تحت اپنے مسائل حل کرسکتے ہیں۔اس قانون کا مثبت استعمال معاشرے میں حقیقی تبدیلیاں لا سکتا ہیں۔ شفافیت اور جوابدہی کے عمل کو یقینی بناتے ہوئے انہیں معلومات فراہم کرنا حکومت کی ذمہ داری ہے۔مقررین کا کہنا تھا کہ شہریوں کو اس قانون سے زیادہ سے زیادہ مستفید ہونا چاہیے۔انہوں نے کہا کہ اس قانون کو استعمال کرکے شہریوں کے بے شمار مسائل حل کروائےجاسکتے ہیں۔اس موقع پر شہریوں کی کثیر تعداد نے شرکت کی۔