آج سیکیورٹی فورسز نے ضلع ژوب کے علاقے سمبزہ میں ایک انٹیلیجنس بیسڈ آپریشن کیا۔ آپریشن کے دوران فورسز نے خوارج کی پوزیشن کو مؤثر طریقے سے نشانہ بنایا، جس کے نتیجے میں 15 خوارج ہلاک ہوگئے۔

آپریشن کے دوران بڑی تعداد میں اسلحہ، گولہ بارود اور دھماکہ خیز مواد برآمد کیا گیا۔

تاہم، شدید فائرنگ کے تبادلے میں مانسہرہ کے رہائشی 32 سالہ سپاہی عارف الرحمان نے بہادری سے لڑتے ہوئے جام شہادت نوش کیا۔

علاقے میں موجود دیگر ممکنہ دہشت گردوں کو ناکارہ بنانے کے لیے سرچ آپریشن جاری ہے۔

پاکستان کی سیکیورٹی فورسز قوم کے ساتھ مل کر ملک سے دہشت گردی کے خاتمے کے لیے پرعزم ہیں، اور ہمارے بہادر سپاہیوں کی قربانیاں ہمارے عزم کو مزید مضبوط کرتی ہیں۔