سینیٹ کو آج بتایا گیا کہ ضابطہ اخلاق کی خلاف ورزی کرنے والے ٹیلی ویژن چینلز کے خلاف کارروائی کی گئی ہے۔

وزیر قانون اعظم نذیر تارڑ نے وقفہ سوالات کے دوران ایوان کو بتایا کہ شکایات کی کونسل فعال ہے اور گزشتہ دو سالوں میں 390 مقدمات کو نمٹا چکی ہے۔

وفاقی وزیر نے کہا کہ ایک ٹول فری شکایات اور کال سنٹر بھی قائم کیا گیا ہے جہاں معاشرے کا کوئی بھی فرد ٹیلی ویژن چینلز پر نشر ہونے والے پروگرام کے کسی بھی پہلو کے خلاف شکایات درج کرا سکتا ہے۔

انہوں نے کہا کہ پیمرا کے علاقائی دفاتر اور ہیڈ کوارٹرز کو تحریری طور پر بھی شکایات درج کروائی جا سکتی ہیں۔