ضلع بھر میں سرکاری زمینیں قابضین سے واگزار کروا کر نیلامی کروائی جا رہی ہے

ڈپٹی کمشنر عبداللہ خرم نیازی کا سرکاری زرعی زمینوں کی نیلامی کے حوالے سے اہم اقدام جاری ہے، ضلع بھر میں سرکاری زمینیں قابضین سے واگزار کروا کر نیلامی کروائی جا رہی ہے۔ابتک تحصیل جھنگ میں 56 الاٹوں، اٹھارہ ہزاری میں 106، شورکوٹ میں 44 اور تحصیل احمدپور سیال میں 35 الاٹوں کی نیلامی کروائی گئی۔اسسٹنٹ کمشنرز اپنی نگرانی میں شفافیت اور میرٹ پر نیلامی کا عمل کروا رہے ہیں۔گزشتہ سالوں سے فی ایکڑ نیلامی ریٹ بھی بڑھایا گیا ہے۔۔گزشتہ سال کی نسبت 7 کروڑ 48 لاکھ سے زائد ریٹ پر بولی کا عمل ہوا ہے۔گاوں اور موضع جات میں نیلامی کے حوالے سے لوگوں کو ریونیو سٹاف,نمبرار,چوکیدار اور اعلانات کروا کے آگاہ بھی کیا جا رہا ہے۔
عوام الناس سے التماس ہے کہ اگر کسی سرکاری الاٹ/زمین کی نیلامی نہیں ہو رہی یا سرکاری زمین نیلامی شیڈول میں شامل نہ ہے تو اس حوالے سے آگاہ کیا جائے۔سرکاری زرعی زمین پر کوئی شخص ناجائز قابض ہے تو اس حوالے سے بھی بزریعہ واٹس ایپ 8222929-0308 یا ڈپٹی کمشنر آفس میں قائم نیلامی شکایات سیل 9200109-047 میں شکایت درج کروائی جائے۔