خیبر پختونخوا میں سیکیورٹی فورسز کے مختلف آپریشنز میں 10 خوارج ہلاک ہو گئے۔

پاک فوج کے شعبہ تعلقات عامہ (ISPR) کے مطابق، خوارج کی موجودگی کی اطلاعات پر ڈیرہ اسماعیل خان کے علاقے کلاچی میں انٹیلیجنس بیسڈ آپریشن (IBO) کیا گیا۔ آپریشن کے دوران سیکیورٹی فورسز نے خوارج کے ٹھکانوں کو مؤثر طریقے سے نشانہ بنایا، جس کے نتیجے میں 4 خوارج جہنم واصل ہو گئے۔

اسی طرح، شمالی وزیرستان کے ضلع میں چار مختلف مقامات – دتہ خیل، حسن خیل، غلام خان اور میر علی – میں سیکیورٹی فورسز اور خوارج کے درمیان فائرنگ کے تبادلے ہوئے۔ ان جھڑپوں میں مزید 6 خوارج کو ہلاک کر دیا گیا۔

یہ آپریشنز جمعرات اور جمعہ کے روز کیے گئے، جن میں ہلاک ہونے والے خوارج سے بھاری مقدار میں اسلحہ اور گولہ بارود بھی برآمد کیا گیا۔ یہ عناصر سیکیورٹی فورسز اور بے گناہ شہریوں کے خلاف متعدد دہشت گرد کارروائیوں میں ملوث تھے۔

پاکستان کی سیکیورٹی فورسز دہشت گردی کے مکمل خاتمے کے لیے پرعزم ہیں، اور علاقے میں موجود دیگر خوارج کے خاتمے کے لیے کلیئرنس آپریشنز جاری ہیں۔