سابق بھارتی وزیر خارجہ یشونت سنہا نے انٹرویو کے دوران مودی کی گھناونی چالیں بے نقاب کر دیں۔

یشونت سنہا کا کہنا تھا کہ:پہلگام اور پلوامہ جیسے واقعات عین الیکشن کے موقع پر ہی کیوں ہوتے ہیں ؟ انہوں نے کہا کہ یہ ڈرامہ بہار کا الیکشن جیتنے کے لیے کیا گیا۔

یشونت سنہا نے کہا کہ پلوامہ میں بھی انتخابات سے پہلے دہشتگردی ہوئی تھی، تب بھی مودی نے اس کا بھرپور فائدہ اٹھایا اور یہ کہ اڑی حملہ سرجیکل اسٹرائیک کا باعث بنا، جسے انتخابی مہم میں سیاسی طور پر استعمال کیا گیا۔

سابق بھارتی وزیر خارجہ نے کہا کہ مودی نے قومی سلامتی کے مسئلے کو سیاست کے لیے استعمال کیا ، اور مودی نے انتخابی جلسوں میں پلوامہ کے شہیدوں کے نام پر ووٹ مانگے تھے، اور پہلگام حملہ بہار کے الیکشن جیتنے کی غرض سے کیا گیا۔

سابق بھارتی وزیر خارجہ نے مزید کہا کہ مودی سرکار دہشتگردی کے واقعات سے صرف سیاسی فائدہ اٹھانا چاہتی ہے۔

دفاعی ماہرین نے کہا کہ درحقیقت مودی سرکار سیز فائر کے بعد پاکستان سے بات چیت نہیں بلکہ بہار الیکشن کی تیاری پر بات کر رہی ہے، مودی کی ناقص پالیسیوں کے باعث بھارت پورے خطے میں تنہا رہ گیا ہے۔