بھارتی عسکری قیادت آپریشن سندور کی ناکامی کے حوالے سے تضاد کا شکار، چین کے کردار کے حوالے سے بھارتی چیف آف ڈیفنس اسٹاف اور ڈپٹی آرمی چیف کے متضاد بیانات آپریشن سندور، بھارتی چیف آف ڈیفنس اسٹاف کا بیان آرمی ڈپٹی چیف سے متصادم۔

دہلی میں آبزرور ریسرچ فیڈریشن کے ایک پروگرام سے خطاب کرتے ہوئے، جنرل چوہان نے کہاچین کی پاکستان کی حمایت کی وضاحت کرنا بہت مشکل ہے۔

بھارتی آرمی ڈپٹی چیف لیفٹیننٹ جنرل راہول آر سنگھ نے کہا تھا کہ چین ہندوستانی فوجی تعیناتی کے بارے میں پاکستان کو لائیو اپ ڈیٹ دے رہا ہے۔

بھارتی ڈپٹی آرمی چیف نے کہا کہ87 گھنٹے کی لڑائی سے سب سے بڑا سبق یہ ہے کہ ایک سرحد تھی، بھارت کے کم از کم تین مخالف تھے اور پاکستان کو چین سے براہ راست معلومات مل رہی تھی۔

انہوں نے کہا کہ ڈی جی ایم او کی سطح پر رابطے کے دوران پاکستان کو پتہ تھاکہ ہمارا کون کونسا اہم ویکٹر کارروائی کے لیے تیار تھا۔

بھارتی سی ڈی ایس نے کہا کہ:

اگرچہ پاکستان نے چینی کمرشل سیٹلائٹ کا فائدہ اٹھایا ہے، لیکن رئیل ٹائم ٹارگٹنگ کا کوئی ثبوت نہیں ہے، جو کچھ پاکستان کو دستیاب تھا وہ تجارتی سیٹلائٹ تصویریں تھیں نہ کہ کوئی فعال براہ راست چینی فوجی امداد۔پاکستان اپنے زیادہ تر ہتھیار چین سے درآمد کرتا ہے۔

ان کا مزید کہنا تھا کہ OEMs (اصل سازوسامان بنانے والے)کی بہت سی ذمہ داریاں ہوتی ہیں، اس لیے وہاں ایسے لوگ ہوں گے جو اپنی ذمہ داریوں کو پورا کرنے کی کوشش کریں گے، اور وہ وہاں موجود ہوں گے۔

متضاد بیانات واضح کرتے ہیں کہ بھارت جھوٹا بیانیے بنانے کی کوشش کرکے اپنی شکست کی ہزیمت کو چھپانے کی کوشش کر رہا ہے۔