مقبوضہ کشمیر کے لیفٹیننٹ گورنر منوج سنہا نے پہلگام فالس فلیگ آپریشن کا پردہ چاک کردیا

ٹائمز آف انڈیا کو انٹرویو دیتے ہوئے لیفٹیننٹ گورنر منوج سنہا نے تسلیم کیا کہ پہلگام حملہ سیکورٹی ناکامی تھی۔ لیفٹیننٹ گورنر منوج سنہا نے تسلیم کیا کہ فوج اور دیگر سکیورٹی ادارے حملہ آوروں کو گرفتار کرنے میں ناکام رہے۔

دی وائر نے کہاہے کہ لیفٹیننٹ گورنر منوج سنہا کے اعتراف کے بعد کانگریس اور نیشنل کانفرنس پارٹی کی جانب سے ان کے استعفی کا مطالبہ۔

کانگریس نے کہا ہے کہ مقبوضہ کشمیر میں امن و امان کی ذمہ داری مودی سرکار کی ہے، سکیورٹی ناکامی پر اس سے جواب طلبی کی جائے۔

ترجمان کانگریس نے کہا ہے کہ جمہوریت کا مطلب ہے مودی سرکار پہلگام واقعہ کی ذمہ داری قبول کرتے ہوئے عوام سے معافی مانگ کرمستعفی ہو جائے۔

رہنماء نیشنل کانفرنس منوج سنہا کی غلطیوں نے کشمیری عوام کی جان، روزگار اور عزت کو شدید خطرے میں ڈال دیا۔

کانگریس رہنماء نے کہا ہے کہ 26 ہلاکتوں کے بعد ذمہ داروں کیخلاف قانونی کارروائی بھی لازم ہو چکی ہے۔

دی وائر نے کہا ہے کہ مودی سرکار پہلگام واقعے میں پاکستان کے ملوث ہونے کے شواہد عالمی سطح پر دکھانے میں ناکام رہی۔

دی وائر نے کہا ہے کہ لیفٹیننٹ گورنر کا اعتراف مودی سرکار کے دعوی کی نفی کرتا ہے کہ دہشتگرد سیاحوں کو نشانہ نہیں بناتے۔ شواہد عالمی سطح پر نہ دکھانے سے مودی سرکار کے پاکستان پر الزام شکوک و شہبات پیدا کرتے ہیں۔

بھارت کے سابق فوجیوں، سول سوسائٹی اور سیاسی رہنماں نے پہلگام واقعہ کو جھوٹا قرار دے دیا۔