خیبرپختونخوا کی حکومت نے حالیہ بھارتی جارحیت کے دوران شہید ہونے والوں کے ورثاء کو پچاس ، پچاس لاکھ روپے دینے کی منظوری دی ہے۔

یہ منظوری  پشاور میں کابینہ کے اجلاس میں دی گئی جس کی صدارت وزیراعلی خیبرپختونخوا علی امین گنڈا پور نے کی۔

کابینہ نے باجوڑ کے عالم دین اور اے این پی کے ضلعی رہنما مولانا خان زیب کے ورثاء کو ایک کروڑ روپے دینے کی منظوری بھی دی۔

اجلاس کو بتایاگیا کہ ضلع کرم میں بات چیت، جرگے اور مقامی قبائلیوں کی کوششوں سے مستقل امن بحال ہوگیا ہے۔