وزیرِاعظم محمد شہباز شریف نے 100 انڈیکس ایک لاکھ پینتالیس ہزارپوائنٹس کی حد عبور کرنے کے ساتھ پاکستان سٹاک ایکسچینج میں تیزی کے رجحان پر اطمینان کا اظہار کیا ہے۔

آج (بدھ) اپنے ایک بیان میں انہوں نے کہا کہ اسٹاک ایکسچینج میں کاروبار میں تیزی سرمایہ کاروں کے حکومتی پالیسیوں پر اعتماد کی عکاسی ہے۔

وزیراعظم نے کہا کہ ملک میں کاروبار اور سرمایہ کاری کو ہر ممکن سہولت فراہم کرنا حکومت کی اولین ترجیحات میں شامل ہے۔

انہوں نے کہاکہ ایف بی آر میں اصلاحات سے ٹیکس نظام میں بہتری اور کاروباری برادری کو سہولت ملی ہے۔

شہباز شریف نے کہا کہ پاکستان کی معاشی صورتحال بہتر ہورہی ہے اورمعیشت ترقی کی راہ پر گامزن ہے۔