وزیراعلیٰ پنجاب مریم نواز کی ہدایات پر “جشن آزادی و معرکہ حق کی تقریبات کے حوالے سے ضلع بھر میں مختلف پروگرامز جاری ہیں۔ ضلعی انتظامیہ کی جانب سے پریس کلب سے ایک شاندار سائیکل ریلی نکالی گئی جو نواز شر یف پارک جھنگ سٹی اختتام پذیر ہوئی۔ ریلی کی قیادت ڈپٹی کمشنر علی اکبر بھنڈر اور ڈسٹرکٹ پولیس آفیسر کیپٹن ر بلال افتخار کیانی نے کی۔ریلی میں سکولوں کے طلبہ، شہریوں، ریسکیو 1122اہلکاروں،میڈیا اور سول سوسائٹی کے نمائندوں سمیت مختلف مکاتبِ فکر سے تعلق رکھنے والے افراد نے شرکت کی۔ شرکا نے قومی پرچم لہرائے اور پاکستان زندہ باد اور افواجِ پاکستان پائندہ باد کے نعرے لگائے۔ڈپٹی کمشنر علی اکبر بھنڈر نے کہا کہ ان تقریبات کا مقصد عوام میں حب الوطنی کے جذبے کو فروغ دینا اور نوجوانوں کو ملکی ترقی میں عملی کردار ادا کرنے کی ترغیب دینا ہے۔ عوام کی بھرپور شرکت اس بات کا ثبوت ہے کہ قوم اپنے وطن اور افواج کےساتھ کھڑی ہے۔ریلی کے اختتام پر ڈپٹی کمشنر علی اکبر بھنڈر نے ریلی مقابلہ میں اول ، دوم اور سوم آنے والوں کو شیلڈ اور انعامات تقسیم کئے۔ گزشتہ روز چرچی گراو¿نڈ میں کبڈی اور باسکٹ بال کا میچ کا بھی انعقاد ہوا جس میں ضلعی انتظامیہ و پاک فوج کے افسران اور جوانوں نے بھی شرکت کی اور کھلاڑیوں میں انعامات بھی تقسیم کئے۔پاک فوج کے شہداءکے فیملی ممبران نے بھی میچ میں شرکت کی اور پاک فوج کے افسران نے شہداءکے خاندان کے افراد سے ملاقات بھی کی۔