امیگریشن میں آسانی اور انسانی سمگلنگ کے خاتمے کیلئے ایف آئی اے نے مصنوعی ذہانت پر مبنی ایپلی کیشن تیار کی ہے۔

وزیرداخلہ محسن نقوی کے زیر صدارت اسلام آباد میں ایف آئی اے ہیڈ کوارٹرز میںایک اجلاس کے دوران انہیں اس ایپلی کیشن کے بارے میں بریفنگ دی گئی۔

وزیر داخلہ نے مصنوعی ذہانت پرمبنی ایپ کو سراہتے ہوئے اسے بروقت اور ضروری اقدام قرار دیا۔

محسن نقوی نے کہا کہ ایف آئی اے میں آئی ٹی کا بنیادی ڈھانچہ بہتر بنانے کیلئے فوری طور پر مطلوبہ فنڈز فراہم کیے جائیں گے۔

انہوں نے ایف آئی اے ہیڈ کوارٹرزکی عمارت کو فوری طور پرمزید بہتر بنانے کی ہدایت کی ۔

محسن نقوی نے عملے کی کمی کے پیش نظر منظور شدہ خالی آسامیوں پر فی الفور بھرتی کا عمل شروع کرنے کی ہدایت کی ۔