جھنگ پولیس کی کارروائیاں، غیر قانونی اسلحہ رکھنے والے 20 ملزمان گرفتار

جھنگ: ڈی پی او جھنگ ساجد حسین کی زیرِ قیادت ضلع بھر میں غیر قانونی اسلحہ رکھنے اور اس کی نمائش کرنے والے عناصر کے خلاف پولیس کا کریک ڈاؤن جاری ہے۔ نومبر کے پہلے عشرے کے دوران پولیس نے کارروائیاں کرتے ہوئے غیر قانونی اسلحہ رکھنے کے الزام میں 20 ملزمان کو گرفتار کر لیا۔

پولیس کے مطابق گرفتار ملزمان کے قبضے سے غیر قانونی اسلحہ برآمد کرکے ان کے خلاف متعلقہ تھانوں میں مقدمات درج کر لیے گئے ہیں۔ ضلع بھر میں غیر قانونی اسلحہ رکھنے، اس کی نمائش کرنے اور قانون شکنی میں ملوث عناصر کے خلاف کارروائیوں میں تیزی لائی گئی ہے۔

اس سلسلے میں مختلف مقامات پر ناکہ بندی، سرچ آپریشنز اور مشتبہ افراد کی چیکنگ کا سلسلہ بھی جاری ہے تاکہ غیر قانونی اسلحہ کی روک تھام اور امن و امان کی صورتحال کو بہتر بنایا جا سکے۔

ڈی پی او جھنگ ساجد حسین نے پولیس افسران کو ہدایت کی ہے کہ غیر قانونی اسلحہ کے خلاف کارروائیوں میں مزید تیزی لائی جائے اور قانون کی عملداری ہر صورت یقینی بنائی جائے۔