ڈی ٹی او جھنگ مسعود احمد کی ایچ ٹی وی اور کمرشل ٹریکٹر لائسنس کے امیدواروں کو بریفنگ

جھنگ: ڈسٹرکٹ ٹریفک آفیسر جھنگ مسعود احمد نے ایچ ٹی وی (HTV) اور کمرشل ٹریکٹر ڈرائیونگ لائسنس کے حصول کے لیے آنے والے امیدواروں کو لائسنس کے اجراء کے طریقہ کار اور ڈرائیونگ ٹیسٹ کے مختلف مراحل کے حوالے سے تفصیلی بریفنگ دی۔

اس موقع پر ڈی ٹی او مسعود احمد نے امیدواروں کو ای سائن ٹیسٹ (E-Sign Test) اور روڈ ٹیسٹ (Road Test) کے طریقہ کار سے آگاہ کیا اور ہدایت کی کہ روڈ ٹیسٹ شروع کرنے سے قبل سیٹ بیلٹ باندھنا لازمی ہے۔ انہوں نے واضح کیا کہ ڈرائیونگ لائسنس کے حصول کے لیے تمام مراحل سو فیصد شفافیت اور میرٹ کی بنیاد پر مکمل کیے جاتے ہیں۔

ڈی ٹی او جھنگ نے کہا کہ ٹریفک پولیس شہریوں کو ڈرائیونگ لائسنس کے اجراء کے سلسلے میں شفاف اور بہتر سہولیات فراہم کرنے کے ساتھ شاہرات پر محفوظ سفر یقینی بنانے کے لیے بھی اقدامات کر رہی ہے۔